ငွေ

လူသားတို့သည် သမိုင်းဦးဘုံမြေခေတ်ဝယ် ရောင်းဝယ်ဖောက်ကာရာ၌ ပစ္စည်းတစ်ခု နှင့်တစ်ခုလဲလှယ်ခြင်းဖြင့် ရောင်းဝယ် ဖောက်ကားကြသည်။ နောင်သောအခါ ပစ္စည်းတစ်ခုနှင့်တစ်ခု ညီမျှခြင်းမရှိသဖြင့် ငွေအဖြစ် သတ္တု၊ ကြေး၊ ခဲတို့ဖြင့် ဒင်္ဂါးသွန်း လုပ်ထုလုပ်လာကြသည်။ အဆိုပါ သတ္တု၊ ကြေး၊ ခဲတို့သည် လေးလံလှသဖြင့် ပေါ့ပါး ၍ သယ်ယူရလွယ်အောင် ဒင်္ဂါးအစားငွေ စက္ကူကိုတီထွင်သုံးစွဲလာကြသည်။



လူသားတို့သည် ငွေကိုတန်ဖိုးရှိ သည်ဟု သတ်မှတ်ကြသဖြင့် ငွေရရှိရေး အတွက် အပြိုင်အဆိုင်ကြိုးပမ်းကြသည်။ တချို့က ငွေဆိုတာ ဂုဏ်ခေါ်သည်ဟု ယူဆမှတ်ထင်ကြသဖြင့် ငွေရရှိရေးအ တွက်ဆိုလျှင် ကိုယ်ကျင့်သီလအပျက်ပြား ခံကာ သမာသည့်နည်းရော၊ မသမာသည့် နည်းပါ အသုံးပြု၍ရှာဖွေကြပါသည်။ ငွေ ရှိလျှင် မိမိလုပ်သမျှတင့်တယ်သည်ထင် သော သူတို့ကလည်း ငွေရရှိရေးအတွက် ဆိုလျှင် ဘနဖူးသိုက်တူးကြပါသည်။ အမျိုး ဘာသာသာသနာကိုပင် စောင့်ရှောက်ထိန်း သိမ်းမှုမရှိဘဲ ရှေးဟောင်းဘုရားဆင်းတု များကို နိုင်ငံခြားသို့ပို့ဆောင်ရောင်းချကြ ပါသည်။ ၀ံသာနုရက္ခိတစိတ်ဓာတ်ဖြင့် ကိုယ်အမျိုးသားချင်း ရိုင်းပင်းစောင့်ရှောက် ခြင်းမရှိဘဲ လူမှောင်ခိုကုန်ကူးခြင်းများပြု လုပ်ကြသည်။ တချို့က တစ်မျိုးသားလုံး လူညွန့်တုံးမှုအန္တရာယ်ကို သိလျက်နှင့်ပင် ဘိန်းကုန်ကူးခြင်းများ ပြုလုပ်ကြပါသည်။



ငွေအပေါ်လောဘဖက်သောအခါ ကုန်သည်ပွဲစားတို့ကလည်း ဘယ်သူသေ သေငတေမာလျှင်ပြီးရော သဘောထား ကာ ကုန်ပစ္စည်းသိုလှောင်ခြင်း၊ ဈေးကစား ခြင်းများပြုလုပ်ကြသည်။ သက်ဆိုင်ရာက မတော်လောဘဖက်သော ကုန်သည်ပွဲစား တို့အပေါ် မည်မျှဆုံးမပဲ့ပြင်လမ်းညွှန်သော် လည်း ငွေအတွက် လောဘဖက်နေသဖြင့် ငွေတစ်မျက်နှာကြောင့် အရာမထင်၊ အကျိုးမမြင်ဖြစ်ရသည်။ ငွေအတွက်လော ဘဖြင့် ဆေးဝါးအတု၊ အရက်အတု၊ အရောင်တင်မှုန့်အတုစသော အတုအမျိုး မျိုးပေါ်ပေါက်ကြရသည်။ ငွေအထွက်ငရဲ မကြောက်၊ သံသရာမကြောက်သင်္ကန်း အတုများပင် ရောင်းဝယ်ဖောက်ကားခြင်း ပြုကြသည်။



တချို့ကလည်း ငွေထက်ကိုယ်ကျင့် တရားကို အလေးထားကာ လျှာပေါ်မြက် ပေါက်ချင်းပေါက်ပါစေ။ မသန့်ရှင်းသော အစာကိုစားသုံးလိုသော ဆန္ဒမရှိပါချေ။ ဘုရားရှင်လက်ထက်မြတ်စွာဘုရား၏ လကျာ်ရံရှင်သာရိပုတ္တရာသည် ဆာလောင် ငတ်မွတ်လွန်း၍ ၀မ်းဗိုက်အတွင်းရှိအူများ အခွေလိုက်ခန္ဓာကိုယ်ပြင်ပသို့ မည်မျှထွက် ပါစေ။ မသန့်ရှင်းမစင်ကြယ်သော အစား ကိုမစားဟူသော ခံယူချက်ဖြင့် မိမိ၏ကိုယ် ကျင့်သီလသိက္ခာကို ထိန်းသိမ်းစောင့်ရှောက် ပါသည်။ ငွေရလျှင်ပြီးရောဟု သဘော ထားကာ သန့်ရှင်းသည်ဖြစ်စေ၊ မသန့်ရှင်း သည်ဖြစ်စေ သုံးစွဲပါက ငွေကလူကိုဒဏ် ခတ်မည်ဖြစ်ပါသည်။ မသန့်ရှင်းမစင်ကြယ် သော အစာအာဟာရက လူကိုစားပိုးနင့် စေမည်ဖြစ်ပါသည်။ တရားဥပဒေက လည်း ဒဏ်ခတ်ဆုံးမမည်ဖြစ်ပါသည်။



ငွေသည် မီးကဲ့သို့ပင် သုံးတတ်လျှင် မိတ်ဆွေဖြစ်စေပြီး မသုံးစွဲတတ်ပါက ရန်သူဖြစ်စေပါသည်။ ငွေကြေးချမ်းသာပါ က မိမိနိုင်ငံအတွက် လိုအပ်သော ပညာ ရေး၊ ကျန်းမာရေး၊ လူမှုရေးကိစ္စအ၀၀ ပရဟိတလုပ်ငန်းတွင် သုံးစေပါက မိတ် ဆွေဖြစ်ပါသည်။ ဓနကြယ်ဝသော နိုင်ငံက ဆင်းရဲနွမ်းပါးသော တတိယနိုင်ငံငယ်များ အပေါ် ထောက်ပံ့ပါက ငွေသည်လူတို့အ တွက် မိတ်ဆွေဖြစ်ပါသည်။ ငွေကြေးချမ်း သာပါက အင်အားနည်းသော နိုင်ငံအ ပေါ်ဓနအားကိုးဖြင့် အနိုင်ကျင့်ခြင်း၊ ဗိုလ် ကျခြင်း၊ နျူးကလီးယားလက်နက်တီထွင် စမ်းသပ်ခြင်းဖြင့် ကမ္ဘာကြီးကိုခြိမ်းခြောက် ခြင်းအစရှိသော အဖျက်လုပ်ငန်းများပြု လုပ်ပါက ထိုသူတိုပလက်ဝယ် ဓနအင် အားရှိခြင်းက ငွေသည်လူတို့အတွက် ရန်သူဖြစ်စေပါသည်။



လူသားတို့သည် စားဝတ်နေရေးအ တွက် ငွေကိုမရှာမဖြစ် ရှာဖွေရမည်ဖြစ်ပါ သည်။ ထိုသို့ရှာဖွေရာ၌ ငွေမျက်နှာတစ်ခု တည်းမကြည့်ဘဲ မိမိနိုင်ငံ၊ မိမိလူမျိုးဂုဏ် သိက္ခာ၊ မိမိ၏ကိုယ်ကျင့်တရားကို ကြည့် ရှုရမည်ဖြစ်ပါသည်။ ငွေမျက်နှာထက် အမှန်တရားမျက်နှာကိုရှေ့ရှုလုပ်ကိုင် ဆောင်ရွက်ရမည်ဖြစ်ပါသည်။ မိမိတစ် ဘ၀ချမ်းသာကြယ်ဝရေးထက် သံသရာအ ကျိုးကို ရည်မျှော်ပြီး သမ္မာအာဇီဝနည်းဖြင့် သန့်ရှင်းစင်ကြယ်စွာ ငွေကိုရှာဖွေသုံးစွဲ သင့်ပါသည်။



လူသားတိုင်းငွေကို ထိုသို့ရှာဖွေသုံး စွဲပါက လူနှင့်လူဘောင်လောကငြိမ်းချမ်း သာယာဝပြောစိုပြေ မည်မှာ မြေကြီးလက် ခတ်မလွဲဖြစ်မှာ အမှန်ပင်ဖြစ်ပါသည်။
( လင်းငွေရည် )

၎င်းပို.စ်ကို www.planet.com.mm မှ ကူးယူဖော်ပြထားခြင်း ဖြစ်ပါသည်။
( ကူယူဖော်ပြခြင်းမှာ အခြားရည်ရွယ်ချက်မရှိဘဲ စာဖတ်သူအားလုံး ဗဟုသုတ ရစေသော အလို.ငှာ ဖော်ပြ ခြင်းဖြစ်ပါသည်။ )